ରାମ ନବମୀ ପର୍ବ ହେଉଛି ହିନ୍ଦୁ ମାନଙ୍କର ଗୋଟିଏ ବଡ ଓ ପବିତ୍ର ପର୍ବ । ଚୈତ୍ର ମାସ ଶୁକ୍ଳ ପକ୍ଷ ର ନବମୀ ତିଥିରେ ରାମ ନବମୀ ପାଳିତ ହୋଇଥାଏ , କାରଣ ଏହିଦିନ ପୁରୁଷୋତ୍ତମ ଶ୍ରୀ ରାମଚନ୍ଦ୍ର ଙ୍କର ଜନ୍ମ ହୋଇଥିଲା ଏହି ଧରାପୃଷ୍ଠ ରେ । ମାନ୍ୟତା ରହିଛି ଯେ ଶ୍ରୀରାମ ଙ୍କ ଜନ୍ମ କର୍କଟ ଲଗ୍ନ ରେ ହୋଇଥିଲା । ସେହି ସମୟରେ ଚନ୍ଦ୍ରମା ପୁନର୍ବସୁ ନକ୍ଷତ୍ର ଓ ସୂର୍ଯ୍ୟ ମେଷ ରାଶିରେ ଥିଲେ ।ଶାସ୍ତ୍ରର ମାନ୍ୟତା ଅନୁସାରେ ଏହିଦିନ ଯଦି ପୂଜାର୍ଚନା କରାଯାଏ ତେବେ ଜିବନର ଅନେକ ବାଧା ବିଘ୍ନ ଦୂର ହୋଇଥାଏ ।
ମାନ୍ୟତା ରହିଛି ଯେ ରାମ ନବମୀ ଦିନ ଯଦି ଘରେ ହୋମ କରାଯାଏ ତେବେ ଘରର ସମସ୍ତ ନକାରାତ୍ମକ ଶକ୍ତିର ବିନାଶ ହୋଇଥାଏ । ଏହି ହୋମରେ ଗୁଗୁଳ, ଜ ଓ ହବନ ସାମଗ୍ରୀ ପ୍ରୟୋଗ କରିବା ସମୟରେ ଶ୍ରୀ ରାମଙ୍କ ନାମ ନେବାକୁ ଭୁଲିବେ ନାହିଁ । କାରଣ ରାମ ନାମ ରେ ଏତେ ମାହାତ୍ମ୍ୟ ରହିଛି ଯେ ଯାହା ଜୀବନର ସମସ୍ତ ଅସୁବିଧାକୁ ଦୂର କରି ଦେଇଥାଏ ।ରାମ ନବମୀ ଦିନ ରାମ ଯନ୍ତ୍ର ସ୍ଥାପନା କରିବା ଖୁବ ଶୁଭ ଅଟେ । ଏହି ଯନ୍ତ୍ରକୁ ପୂର୍ବ ଦିଗକୁ ମୁଖ କରି ଶ୍ରୀରାମ ଙ୍କ ନାମ ଜପ କରି ସ୍ଥାପନା କରନ୍ତୁ । ଏହାକୁ ନିଜ ଠାକୁର ଘରେ ଗଙ୍ଗା ଜଳ ଛିଂଚି ପଞ୍ଚାମୃତ ରେ ଧୋଇ ସ୍ଥାପନା କରିବା ଆବଶ୍ୟକ।