କେନ୍ଦ୍ର ଗ୍ରାମିଣ ବିକାଶ ମନ୍ତ୍ରାଳୟ ପକ୍ଷରୁ ମହାତ୍ମା ଗାନ୍ଧୀ ଜାତୀୟ ନିଶ୍ଚତ କର୍ମନିଯୁକ୍ତି ଯୋଜନାର ମଜୁରୀ ବୃଦ୍ଧି କରାଯାଇଛି । ୨୦୨୩-୨୪ ଆର୍ଥିକ ବର୍ଷ ପାଇଁ ଓଡ଼ିଶାର ଦୈନିକ ମଜୁରୀ ୨୨୨ ଟଙ୍କା ଥିଲା । ଆଉ ୧୫ ଟଙ୍କା ବୃଦ୍ଧି କରାଯାଇଛି । ଏହାକୁ ମିଶାଇ ମନରେଗା ଶ୍ରମିକଙ୍କ ମଜୁରୀ ୨୩୭ ଟଙ୍କା ବୃଦ୍ଧି କରାଯାଇଛି ।
ତେବେ ରାଜସ୍ଥାନରେ ମନରେଗା ମଜୁରୀ ୨୫୫ ଟଙ୍କା ହୋଇଛି । ଝାରଖଣ୍ଡରେ ମନରେଗା ମଜୁରୀ ଟଙ୍କା ୨୨୮କୁ ବୃଦ୍ଧି ପାଇଛି । ମନରେଗା ହେଉଛି କେନ୍ଦ୍ର ସରକାରଙ୍କ ଏକ ଲୋକପ୍ରିୟ ଗ୍ରାମୀଣ ନିଯୁକ୍ତି ଯୋଜନା । ଏହି ଯୋଜନାରେ ଗରିବ ଲୋକଙ୍କୁ ବର୍ଷକୁ ୧୦୦ ଦିନର ନିଶ୍ଚିତ କାମ ଦେବାକୁ ବ୍ୟବସ୍ଥା କରାଯାଇଛି ।
ରାଜ୍ୟ ସରକାର ଓ ମୁଖ୍ୟମନ୍ତ୍ରୀଙ୍କ ଉପରେ ଗର୍ଜିଛନ୍ତି ବିଜେପିର ନୂଆ ସଭାପତି ମନମୋହନ ସାମଲ । ସେ କହିଛନ୍ତି, ବିଜେପିର ଗୋଟିଏ ଲକ୍ଷ୍ୟ ରାଜ୍ୟରେ ବିଜେଡିକୁ ହଟାଇବା । ୨୦୨୪ରେ ରାଜ୍ୟରେ ବିଜେପି ସରକାର ଗଠନ କରିବ । ସରକାର କିଏ ଚଳାଉଛି ତାହା ଜଣାପଡୁନାହିଁ । ବିଜେପି ସରକାର ଆସିଲେ ଏ ସବୁ ଚଳିବନି । କୌଣସି ନିଷ୍ପତି ବ୍ଲକ ଓ ଜିଲ୍ଲା ଉପରେ ଲଦି ଦିଆଯିବ ନାହିଁ ବୋଲି ରଣହୁଙ୍କାର ଦେଇଛନ୍ତି ରାଜ୍ୟ ବିଜେପିର ନୂଆ ସଭାପତି ।ନବ ନିଯୁକ୍ତ ରାଜ୍ୟ ସଭାପତି ମନମୋହନ ସାମଲଙ୍କୁ ଆଜି ରାଜ୍ୟ ବିଜେପି ଅଫିସରେ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ରାମମନ୍ଦିର ଛକରୁ ବିଜେପି ଅଫିସ ଯାଏଁ ମନମୋହନ ସାମଲଙ୍କୁ ପାଛୋଟି ନିଆଯାଇଥିଲା । ଏଥିରେ ଦଳର ବରିଷ୍ଠ ନେତାମାନେ ଉପସ୍ଥିତ ଥିଲେ । ବିରୋଧୀ ଦଳ ନେତା ଜୟନାରାୟଣ ମିଶ୍ର କହିଥିଲେ, କର୍ମୀମାନେ ପ୍ରସ୍ତୁତ ରହୁନ୍ତୁ, ୨୦୨୪ରେ ଏହି ସରକାର ବିଦା ହେବ ।