କାନାଡ଼ାରୁ ପ୍ରେମିକାକୁ ଡାକି ଭାରତରେ ଗୁଳି, ୯ ମାସ ପରେ କଙ୍କାଳ ଉଦ୍ଧାର

ସୂଚନା ମୁତାବକ, ହରିୟାଣର ରୋହତକରୁ ଗତବର୍ଷ ଉଚ୍ଚ ଶିକ୍ଷା ପ୍ରାପ୍ତ ପାଇଁ କାନାଡା ଯାଇଥିଲେ ଯୁବତୀ । ସେଠାରେ ପଢୁଥିବା ବେଳେ ପ୍ରେମିକ ଜଣକ ବିବାହ କରିବା ପାଇଁ ତାଙ୍କୁ ଭାରତକୁ ଡାକିଥିଲେ । ହେଲେ କୌଣସି କଥାକୁ ନେଇ ଦୁହିଁଙ୍କ ମଧ୍ୟରେ ସାମାନ୍ୟ ପାଟିତୁଣ୍ଡ ହେବା ଯୋଗୁଁ ପ୍ରେମିକା ମୁଣ୍ଡକୁ ଗୁଳି କରି ମାରିଲା ପ୍ରେମିକ । ଆଉ ଏହି ଘଟଣା ବିଷୟରେ ଯେପରି କେହି ନ ଜାଣିପାରିବେ, ତେଣୁ ବିଲରେ ଏକ ଗାତଖୋଳି ସେଥିରେ ନିଜେ ହିଁ ନିଜ ପ୍ରେମିକାକୁ ପୋତି ଦେଇଥିଲା। ଦୀଘ ୯ ମାସ ପରେ ପୋଲିସ ଗାତରୁ ଯୁବତୀଙ୍କ କଙ୍କାଳ ବାହାର କରିଥିବା ବେଳେ ଅଭିଯୁକ୍ତ ପ୍ରେମିକକୁ ବାନ୍ଧିଛି ପୋଲିସ ।ପ୍ରେମିକ ଜଣକ ନିଜ ପ୍ରେମିକାକୁ ଗୁଳି କରି ମୃତଦେହକୁ ନିଜ ଫାର୍ମ ହାଉସ ପଛପଟେ ପୋତି ଦେଇଥିଲେ। ବହୁ ଖୋଳତାଡ଼ ପରେ ୯ ମାସ ପରେ ପୋଲିସ ଯୁବତୀଙ୍କ କଙ୍କାଳ ଉଦ୍ଧାର କରିବା ସହ ତାଙ୍କ ପ୍ରେମିକଙ୍କୁ ଗିରଫ କରିଛି। ଏନେଇ ଗୁମଡ ଗାଁର ମୃତ ଯୁବତୀଙ୍କ ମାଉସୀ ଅଭିଯୋଗ କରିବା ପରେ ଘଟଣା ସାମନାକୁ ଆସିଲା।

ଏନେଇ ୨୦୨୨ରେ ଏକ ଅପହରଣ ମାମଲା ରୁଜୁ ହୋଇଥିଲେ ବି ପୋଲିସ ଯୁବତୀଙ୍କ ପତ୍ତା ପାଇନ ଥିଲା। ଏହା ପରେ ଯୁବତୀ ଜଣକ କଥା ହେଉଥିବା ଯୁବକଙ୍କୁ ସନ୍ଦେହ କରି ପୋଲିସ ଗିରଫ କରିଥିଲା ଏବଂ ପଚରାଉଚରା କରିବା ପରେ ସତ ସାମ୍ନାକୁ ଆସିଥିଲା । ତାଙ୍କୁ ପଚରାଉଚରା ପରେ ତାଙ୍କ ଫାର୍ମ ହାଉସ ପଛପଟୁ ପ୍ରାୟ ୧୦ ଫୁଟ ମାଟି ଖୋଲି ଏକ କଙ୍କାଳ ଉଦ୍ଧାର କରିଥିଲା ସିଆଇଏ ଟିମ୍। ଉକ୍ତ କଙ୍କାଳକୁ ବ୍ୟବଚ୍ଛେଦ ପାଇଁ ପଠାଇ ଦିଆଯାଇଛି। ତେବେ ପୋତା ଯାଇଥିବା ସ୍ଥାନରୁ ଯୁବତୀଙ୍କ ଡ୍ରେସର କିଛି ଅଂଶ ମିଳିଥିବା ବେଳେ ତାହାକୁ ପରିବାର ଲୋକେ ଚିହ୍ନଟ କରି ସାରିଛନ୍ତି।ଅଭିଯୁକ୍ତଙ୍କ କହିନୁଯାୟୀ, ଯୁବତୀଙ୍କ ସହ ବଚସା ହେବାରୁ ସେ ନିଜ ବନ୍ଧୁକରୁ ୨ ରାଉଣ୍ଡ ଗୁଳି ଯୁବତୀଙ୍କ ମୁଣ୍ଡକୁ ଲକ୍ଷ୍ୟ କରି ମାରିଥିଲେ। ଫଳରେ ସେ ଘଟଣାସ୍ଥଳରେ ହିଁ ଟଳି ପଡ଼ିଥିଲେ। ଏହାପରେ ସେ ନିଜ ଫାର୍ମ ହାଉସ ପଛ ପଟେ ମାଟି ଖୋଲି ଉକ୍ତ ମୃତଦେହକୁ ପୋତି ଦେଇଥିଲେ। ଯୁବତୀ ଜଣକ ଆଇଇଏଲଟିସି ପରୀକ୍ଷା ପାସ୍‌ କରିବା ପରେ ଜାନୁଆରୀ ୨୦୨୨ରେ ଷ୍ଟୁଡେଣ୍ଟ ଭିସାରେ କାନାଡା ଯାଇଥିଲେ । ହେଲେ ପ୍ରେମିକ ଜଣକ ତାଙ୍କୁ ଡାକି ଏପରି କାଣ୍ଡ ରଚିଥିଲା ।