କେନ୍ଦୁଝର ଜିଲ୍ଲାରେ ବାଘ ଆତଙ୍କ। ଘଟଗାଁ ବନାଞ୍ଚଳ ଅଟେଇ ସଂରକ୍ଷିତ ଜଙ୍ଗଲରେ ୪ଟି ମଇଁଷିକୁ ବାଘ ମାରି ଖାଇଥିବା ରେଞ୍ଜର ସୂଚନା ଦେଇଛନ୍ତି । ଖବର ପାଇ ବନ ବିଭାଗ ଘଟଣାସ୍ଥଳରେ ପହଞ୍ଚିଛି।
ସୂଚନା ଅନୂସାରେ, ଅଟେଇ ସଂରକ୍ଷିତ ଜଙ୍ଗଲ ନିକଟରେ ଥିବା ଏକ ଗାଁରେ ରହୁଥିବା ମଇଁଷି ପଲ ଗତକାଲି ରାତିରେ ଜଙ୍ଗଲରେ ବୁଲୁଥିଲେ। ଏହି ମଇଁଷ ପଲରୁ ବାଘ ୪ଟି ମଇଁଷିକୁ ମାରି ଦେଇଥିବା ଜଣାପଡ଼ିଛି। ଏନେଇ ସ୍ଥାନୀୟ ଲୋକେ ବନ ବିଭାଗକୁ ଖବର ଦେଇଥିଲେ। ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି।
କିଛିଦିନ ପୂର୍ବରୁ ଅଟେଇ ସଂରକ୍ଷିତ ଜଙ୍ଗଲରେ ମହାବଳ ବାଘ ଥିବା ଟ୍ରାକ କ୍ୟାମେରାରୁ ଜଣାପଡିଥିଲା। ପରେ ପରେ ବନ ବିଭାଗ ଅଟେଇ ସଂରକ୍ଷିତ ଜଙ୍ଗଲର ୪ ଗୋଟି ରାସ୍ତାରେ ଚଳପ୍ରଚଳ ଉପରେ ଅଙ୍କୁଶ ଲଗାଯାଇଥିଲା।ବାଘଟି ବର୍ତ୍ତମାନ ନୂଆପଡ଼ା ଜିଲ୍ଲା ସଦର ମହକୁମାରୁ ୫ କି.ମି. ଦୂର ଟାନୁୱାଟରେ ରହିଥିବା ଶୁକ୍ରବାର ରାତିରେ କିଛି ଲୋକ ଦେଖିଥିଲେ। ବନବିଭାଗ ପକ୍ଷରୁ ଘଟଣାସ୍ଥଳରେ ଟ୍ରାକ୍ କ୍ୟାମେରା ଲଗାଯାଉଛି ବୋଲି କୁହାଯାଉଥିବା ବେଳେ ଆଜି ପର୍ଯ୍ୟନ୍ତ ବାଘର କୌଣସି ଚିତ୍ର ଆସିନାହିଁ। ଏଥିସହିତ ଏସିଏଫଙ୍କ ନେତୃତ୍ୱରେ ଏକ ସ୍କ୍ୱାର୍ଡ ଗଠନ କରାଯାଇ ବାଘର ଗତିବିଧି ଉପରେ ନଜର ରଖାଯାଥିଲା। ଗୋଟିଏ ବାଘର ମଇଁଷିଙ୍କୁ ମାରି ଖାଇଛି ନା ଆଉ ବାଘ ଅଛନ୍ତି ବନ କର୍ମଚାରୀ ଅନୁସଦ୍ଧାନ ଚଳାଇଛନ୍ତି। ଏହି ଘଟଣା ପରେ ଗ୍ରାମବାସୀଙ୍କ ଭିତରେ କୋକୁଆ ଭୟ ଖେଳିଯାଇଛି। ସନ୍ଧ୍ୟା ହେବା ପରେ ଗାଁରେ ତାଟିକବାଟ ପଡ଼ିଯାଉଛି। କେହି ଘରକୁ ବାହାରକୁ ବାହାରୁ ନାହାନ୍ତି।
ସୂଚନାଯୋଗ୍ୟ, ନୂଆପଡ଼ା ଜିଲ୍ଲାରେ ମଧ୍ୟ ବାଘ ଆତଙ୍କ ଦେଖିବାକୁ ମିଳିଛି। ମହାବଳ ବାଘଟି ରାତିରେ ଗାଁରେ ପଶି ଗାଈ, ବାଛୁରୀକୁ ମାରି ଖାଇ ଦେଉଥିବା ଅଭିଯୋଗ ଆସିଛି।