କୋଲକାତା: ଆକ୍ୟୁଟ ରେସପିରେଟୋରି ଇନଫେକସନ୍ ( ଏଆର୍ଆଇ) ତଥା ଶ୍ବାସନଳୀ ସଂକ୍ରମଣ ପାଇଁ କୋଲକାତାରେ ଗୋଟିଏ ଦିନରେ ୫ ଶିଶୁଙ୍କ ମୃତ୍ୟୁ ହୋଇଛି। ଗତ ୪ ଦିନ ମଧ୍ୟରେ ରାଜ୍ୟରେ ସିଟି ହସ୍ପିଟାଲଗୁଡ଼ିକରେ ୧୦ ଶିଶୁଙ୍କ ମୃତ୍ୟୁ ହୋଇଛି। ରାଜ୍ୟ ସ୍ବାସ୍ଥ୍ୟ ବିଭାଗ ଉକ୍ତ ଘଟଣାରେ ଚିନ୍ତା ପ୍ରକଟ କରିଛି। ସରକାରୀ ହସ୍ପିଟାଲଗୁଡ଼ିକ ସଂକ୍ରମଣ ରୋକିବା ଦିଗରେ ପଦକ୍ଷେପ ଗ୍ରହଣ କରିବାପାଇଁ ରାଜ୍ୟ ସ୍ବାସ୍ଥ୍ୟ ବିଭାଗ ନିର୍ଦ୍ଦେଶ ଦେଇଛନ୍ତି।
ମଙ୍ଗଳବାର ଦିନ ମୃତ୍ୟୁ ହୋଇଥିବା ସମସ୍ତ ୫ ଶିଶୁ ସାଂଘାତିକ ଭାବେ ଏଆର୍ଆଇରେ ପୀଡ଼ିତ ଥିଲେ। ସେମାନଙ୍କୁ ନିମୋନିଆ ହୋଇଥିବା କୁହାଯାଉଛି। ଉକ୍ତ ୫ ଶିଶୁଙ୍କ ମଧ୍ୟରୁ ୨ ଜଣ କୋଲକାତା ମେଡିକାଲ କଲେଜ ହସ୍ପିଟାଲରେ ଭର୍ତ୍ତି ହୋଇଥିବାବେଳେ ୨ ଜଣ ଡା ବିସି ରୟ ପୋଷ୍ଟ ଗ୍ରାଜୁଏଟ ଇନଷ୍ଟିଚ୍ୟୁଟ ଅଫ ପେଡିଆଟ୍ରିକ୍ ସାଇନ୍ସ ହସ୍ପିଟାଲରେ ଭର୍ତ୍ତି ହୋଇଥିଲେ।