ମୁହାଁମୁହିଁ ପିଟି ହେଲା ଦୁଇଟି ଟ୍ରେନ୍ । ଦୁର୍ଘଟଣାରେ ୨୬ ଜଣଙ୍କର ମୃତ୍ୟୁ ହୋଇଛି । ଆହତ ହୋଇଛନ୍ତି ୮୫ରୁ ଅଧିକ ଯାତ୍ରୀ । ଗ୍ରୀସର ଲାରିସା ସହର ନିକଟରେ ଏହି ଭୟଙ୍କର ଟ୍ରେନ୍ ଦୁର୍ଘଟଣା ହୋଇଛି । ପାସେଞ୍ଜର ଟ୍ରେନ୍ ଓ ମାଲବାହୀ ଟ୍ରେନ୍ ମଧ୍ୟରେ ଧକ୍କା ହୋଇଛି । ଆହତମାନଙ୍କ ମଧ୍ୟରୁ ଅନେକ ଅବସ୍ଥା ଗୁରୁତର ଥିବାରୁ ଆଗକୁ ବଢ଼ିପାରେ ମୃତ୍ୟୁସଂଖ୍ୟା । ପାସେଞ୍ଜର ଟ୍ରେନ୍ରେ ଥିଲେ ୩୫୦ରୁ ଅଧିକ ଯାତ୍ରୀ ଥିଲେ । ଘଟଣାସ୍ଥଳରେ ଉଦ୍ଧାରକାର୍ଯ୍ୟ ଜାରି ରହିଛି ।ପାସେଞ୍ଜର ଟ୍ରେନଟି ଏଥେନ୍ସରୁ ଗ୍ରୀସର ଉତ୍ତରରେ ଥିବା ଥିସାଲୋନିକି ସହର ଅଭିମୁଖେ ଯାଉଥିଲା । ସେହିପରି ମାଲବାହୀ ଟ୍ରେନ୍ ଥିସାଲୋନିକିରୁ ଏଥେନ୍ସ ଆସୁଥିଲା । ଏତେ ଜୋରରେ ଦୁର୍ଘଟଣା ହୋଇଥିଲା ଯେ ଟ୍ରାକରୁ ଛିଟିକି ପଡ଼ିଥିଲା ବଗି । କିଛି ବଗିରେ ନିଆଁ ଲାଗି ଯାଇଥିଲା । ଟ୍ରେନ୍ର ଇଞ୍ଜିନ ଚୁରମାର ହୋଇଯାଇଛି ।
ଥେସାଲି ଅଞ୍ଚଳର ଗଭର୍ଣ୍ଣର୍ କୋଣ୍ଟାନ୍ସିନୋସ୍ ଆଗୋରାସ୍ତୋସ୍ କହିଛନ୍ତି, ଟ୍ରେନ୍ ଦୁଇଟି ଖୁବ୍ ଜୋର୍ରେ ପରସ୍ପରକୁ ଧକ୍କା ଦେଇଛନ୍ତି। ଯାତ୍ରୀବାହୀ ଟ୍ରେନ୍ର ପ୍ରଥମ ୪ଟି ବଗି ଧାରଣାଚ୍ୟୁତ ହୋଇଯାଇଛି। ସେଥିରୁ ୨ଟି ବଗି ସମ୍ପୂର୍ଣ୍ଣ ନଷ୍ଟ ହୋଇଯାଇଛି କହିଲେ ଚଳେ। ୨୫୦ଜଣ ଯାତ୍ରୀଙ୍କୁ ନିରାପଦରେ ସ୍ଥାନାନ୍ତରଣ କରାଯାଇଛି।
କିନ୍ତୁ, କେଉଁ ପରିସ୍ଥିତି ଯୋଗୁଁ ଦୁର୍ଘଟଣା ଘଟିଲା, ତାହା ଜଣାପଡ଼ିନାହିଁ। ଉଦ୍ଧାର କାର୍ଯ୍ୟରେ ସହାୟତା କରିବା ଲାଗି ସେନାବାହିନୀ ସହିତ ଯୋଗାଯୋଗ କରାଯାଇଥିବା କଥା ସରକାରୀ ଅଧିକାରୀମାନେ କହିଛନ୍ତି।