ଜଳବାୟୁ ପରିବର୍ତନ ରୋକା ନ ଗଲେ ପୃଥିବୀ ଧ୍ବଂସ ପାଇବ, ଓଡିଶା କଲ୍ୟାଣ ପାର୍ଟି.

Share this :

ଭୁବନେଶ୍ୱର, ଜଳବାୟୁ ପରିବର୍ତନ, ପରିବେଶ ପ୍ରଦ୍ୟୁଷଣ ତଥା ବଢ଼ି ଚାଲିଥିବା ତାପମାନ ଆଜି ମାନବ ସଭ୍ୟତା ପାଇଁ କାଳ ହୋଇଥିବା ବେଳେ ମହାମାରୀ କୋଭିଡ, ଦୁର୍ଭିକ୍ଷ, ଦୃଷ୍ଟିହୀନତା, ବନ୍ୟା ବାତ୍ୟା ଇତ୍ୟାଦି ପାଇଁ ଏହି ଜଳବାୟୁ ପରିବର୍ତନ ହିଁ ଦାୟୀ ବୋଲି କହିଛନ୍ତି ଓଡିଶା କଲ୍ୟାଣ ପାର୍ଟିର ନବ ନିର୍ବାଚିତ ସଭାପତି ଡ଼ ଅଭିନ୍ନ ହୋତା. ଭୁବନେଶ୍ୱରର ପ୍ରେସ କ୍ଲବ ଠାରେ ଆୟୋଜିତ ହୋଇଥିବା ଓଡିଶା କଲ୍ୟାଣ ପାର୍ଟିର କାର୍ଯ୍ୟକାରିଣୀ ବୈଠକରେ ଉପସ୍ଥିତ ପାର୍ଟିର ସମସ୍ତ କାର୍ଯ୍ୟ କର୍ତାଙ୍କ ଗହଣରେ ପ୍ରତିଷ୍ଠାତା ସଭାପତି ଶ୍ରୀ ଆଲୋକ ଜେନାଙ୍କ ଠାରୁ ଦାଇତ୍ୱ ଗ୍ରହଣ ଉତ୍ସବରେ ନୂତନ ସଭାପତି ଶ୍ରୀ ହୋତା ଉପରୋକ୍ତ କଥା କହିଥିଲେ. ଜାତିସଂଘର ଆକଳନ ଅନୁଯାୟୀ ଯଦି ସମୁଦ୍ର ପତନ ଠାରୁ 0.5ସେଣ୍ଟିମିଟର ବୃଦ୍ଧି ପାଏ କେବଳ ଭାରତରୁ 25କୋଟି ଲୋକ ନିଶ୍ଚିହ୍ନ ହୋଇଯିବେ. ଓ ବିଶାଖାପାଟଣା, ଚେନ୍ନାଇ, ମୁମ୍ବାଇ, କୋଚି, ତଥା ଓଡ଼ିଶାର ଗୋପାଳପୁର, ପାରାଦ୍ୱୀପ ଆଦି ସମସ୍ତ ଉପକୂଳବର୍ତ୍ତୀ ସହର ଜଳମଗ୍ନ ହୋଇଯିବ ବୋଲି ଚେତାଇଦେଇଛନ୍ତି ସଭାପତି ଶ୍ରୀ ହୋତା. ଦଳୀୟ କାର୍ଯ୍ୟକାରିଣୀ ବୈଠକ ରେ “ସମସ୍ତଙ୍କ ପାଇଁ ନିଃଶୁଳ୍କ ଶିକ୍ଷା ସମସ୍ତଙ୍କ ପାଇଁ ନିଃଶୁଳ୍କ ସ୍ୱାସ୍ଥ୍ୟ “ସମ୍ପର୍କରେ ସବିଶେଷ ଆଲୋଚନା ହୋଇଥିଲା. ସମ୍ବିଧାନର ବିଭିନ୍ନ ଦିଗ ଧାରା 14 ସମାନତାର ଅଧିକାର, ଧାରା 19 ବାକ ସ୍ୱାଧୀନତା ଏବଂ ଧାରା 21 ଜୀବନ ଏବଂ ଜୀବିକାର ଅଧିକାର, ସାମାଜିକ ନ୍ୟାୟ, ଚାଷୀ ସମସ୍ୟା, ମହିଳା, ଛାତ୍ର ଯୁବକ ସମ୍ପର୍କିତ ସମସ୍ୟା ସମ୍ବନ୍ଧରେ ସଭ୍ୟ ମାନେ ମତବ୍ୟକ୍ତ କରିଥିଲେ. ଅନ୍ୟ ମାନଙ୍କ ମଧ୍ୟରେ ଦଳର ଉପସଭାପତି ଡ ରାମଚନ୍ଦ୍ର ରାଉତରାୟ, ଶ୍ରୀ ସୁଶାନ୍ତ ବେଉରିଆ, ସାଧାରଣ ସମ୍ପାଦକ ଇଂ ରାଜେଶ ମଲିକ, ଡ ସଂଘମିତ୍ରା ମହାନ୍ତି, ତାପସ ଦାସ ଏବଂ କୋଷାଧକ୍ଷ ଡ ଅନୁ ଭଲା ପ୍ରମୁଖ ଦାଇତ୍ୱ ଗ୍ରହଣ କରିଥିଲେ. ଓଡିଶା କଲ୍ୟାଣ ପାର୍ଟି ର ମୁଖ୍ୟ ନିର୍ବାଚନ ଅଧିକାରୀ ଆଡ଼ଭୋକେଟ ରଶ୍ମିରେଖା ପଣ୍ଡା, ନିର୍ବାଚନ ପରିଚାଳନା କରିଥିଲେ. ମୁଖ୍ୟ ଆଇନ ପରାମର୍ଶ ଦାତା ଆଡ଼ଭୋକେଟ ତରଣିକାନ୍ତ ବିଶ୍ୱାଳ ସମସ୍ତ ବିଷୟକୁ ଭାରତ ତଥା ଓଡ଼ିଶାର ମୁଖ୍ୟ ନିର୍ବାଚନ ଅଧିକାରୀଙ୍କୁ ଅବଗତ କରାଇବେ ବୋଲି କହିଥିଲେ. ମୁଖ୍ୟ ମୁଖପାତ୍ର ଡ ମଙ୍ଗଳା ପ୍ରସାଦ ମହାନ୍ତି ସାମ୍ବାଦିକ ସମ୍ମିଳନୀ ପରିଚାଳନା କରିଥିଲେ.
ରିପୋର୍ଟ ଦେବ ପ୍ରସାଦ ମହାନ୍ତି.

Share this :

Leave a Reply

Your email address will not be published. Required fields are marked *