ଭୋପାଳ : ମଧ୍ୟପ୍ରଦେଶରେ ଜଣେ ଦୁଷ୍କର୍ମ ଅଭିଯୁକ୍ତ ବିରୋଧରେ ଆଜି ବୁଲଡୋଜର କାର୍ଯ୍ୟାନୁଷ୍ଠାନ ହୋଇଛି। ମଧ୍ୟପ୍ରଦେଶର ରାଜଧାନୀ ଭୋପାଳଠାରୁ ୨୫୦ କିମି ଦୂର ଦାମୋହରେ ଜଣେ ନାବାଳିକାଙ୍କୁ ଗଣଦୁଷ୍କର୍ମ କରାଯାଇଥିଲା।
ଏହି ମାମଲାରେ ପୁଲିସ ୩ ଜଣଙ୍କୁ ଗିରଫ କରିଛି। ତେବେ ଅନ୍ୟ ଜଣେ ଅଭିଯୁକ୍ତ କୌଶଳ କିଶୋର ଚୌବେ ଫେରାର୍ ଅଛି। ପୁଲିସ ଆଜି ଚୌବେର ଘରକୁ ବୁଲ୍ଡୋଜର ଲଗାଇ ଭାଙ୍ଗି ଦେଇଛି। ମହିଳା ପୁଲିସ ଅଧିକାରୀମାନେ ବୁଲଡୋଜର ପରିଚାଳନା କରିଥିଲେ। ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି ।