ଗୁଣପୁର : ୨୨/୨/୨୪ :
ମାନ୍ୟବର ମୁଖ୍ୟମନ୍ତ୍ରୀ ଙ୍କ ମାନସ ସନ୍ତାନ ହେଉଛି ମିଶନ ଶକ୍ତି , ଯାହା ଆଜି ମହା ଦ୍ରୁମରେ ପରିଣତ ହୋଇଛି । ମହିଳା ମାନେ କିପରି ପରିବାର ପରିଚାଳନା ରୁ ଉଦ୍ୟୋଗିରେ ପରିଣତ ହେବେ ରୋଷେଇ ଶାଳରୁ ବାହାରି ବିଦେଶ ଗସ୍ତ କରିବେ ସେ ପ୍ରୟାସ ସରକାର ଜାରି ରଖିଛନ୍ତି । ଏହି କ୍ରମରେ ଆଜି ଗୁଣପୁର ବ୍ଲକ ମିଶନ ଶକ୍ତି ଭବନ ପରିସରରେ ବ୍ୟାଙ୍କ ମିତ୍ରଙ୍କୁ ମୂଖ୍ୟମନ୍ତ୍ରୀ ଲ୍ୟାପଟପ୍ ଯୋଜନାରେ ମିଶନ ଶକ୍ତି ତରଫରୁ ଲ୍ୟାପଟପ୍ ପ୍ରଦାନ କରାଯାଇଛି । ଏହି କାର୍ଯ୍ୟକ୍ରମରେ ଗୁଣପୁର ବିଧାୟକ ରଘୁନାଥ ଗମାଙ୍ଗ ମୂଖ୍ୟ ଅତିଥି ଭାବେ ଯୋଗଦେଇ ବ୍ୟାଙ୍କ ମିତ୍ର ମାନଙ୍କୁ ଉତ୍ସାହିତ କରିଥିଲେ । ସମ୍ମାନୀତ ଅତିଥି ଭାବେ ବ୍ଲକ ଉପାଧ୍ୟକ୍ଷ ସୁଦର୍ଶନ ଶବର , ଵିଡିଓ ଶୁଭ୍ରାଞ୍ଜଳି ପ୍ରଧାନ ,ସିଡିପିଓ ସୁଷମା ପ୍ରସାଦ , ଵିପିଏମ ସୁଚିତ୍ରା ମ୍ୟାଡାମ , (ଵିପିସି ମିଶନ ଶକ୍ତି ) ଜୟନ୍ତ ସେଠି , ଵିପିଏମ ସ୍ଵାତୀ ମାଣ୍ଡାଙ୍ଗି ଯୋଗଦେଇ ମୂଖ୍ୟମନ୍ତ୍ରୀଙ୍କ ଏହି ଲ୍ୟାପଟପ୍ ଯୋଜନାର ପ୍ରଶଂସା କରିବା ସହ ବ୍ୟାଙ୍କ ମିତ୍ର ମାନଙ୍କ କାର୍ଯ୍ୟଭାର ଲାଘବ ହୋଇପାରିବ ବୋଲି କହିଥିଲେ । ମୂଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ପ୍ରତି ଲ୍ୟାପଟପ୍ କ୍ରୟ ପାଇଁ ୫୦୦୦୦ ଟଙ୍କା ମଞ୍ଜୁର ହୋଇଥିଲା ଏବଂ ବ୍ୟାଙ୍କ ମିତ୍ର ମାନେ ନିଜ ପସନ୍ଦରେ ଲ୍ୟାପଟପ୍ କ୍ରୟ କରିଥିବା ସୂଚନା ମିଳିଛି । ଏହି ଅବସରରେ ଏସ ବି ଆଇ ଗୁଣପୁର ଓ ଡମ୍ବସରା, ବ୍ୟାଙ୍କ ଅଫ ଵରୋଦା ,ୟୁଜିଵି ଗୁଣପୁର , ଇଣ୍ଡିଆନ ବ୍ୟାଙ୍କ , ୟୁନିଅନ ବ୍ୟାଙ୍କ ରେ କାର୍ଯ୍ୟରତ ଛଅ ଜଣ ବ୍ୟାଙ୍କ ମିତ୍ରଙ୍କୁ ଲ୍ୟାପଟପ୍ ପ୍ରଦାନ କରାଯାଇଛି । ଉକ୍ତ କାର୍ଯ୍ୟକ୍ରମରେ ସଭାପତି ମଞ୍ଜୁଳା ପଟ୍ଟନାୟକ , ସେକ୍ରେଟାରୀ ପ୍ରେମିକା ଜେନା , କୋଷାଧ୍ୟକ୍ଷ ସୁସ୍ମିତା ଵାଦାପୁ ଓ ବହୁ ସ୍ବୟଂ ସହାୟକ ଗୋଷ୍ଠୀର ମହିଳାମାନେ ଉପସ୍ଥିତ ଥିଲେ । ଶେଷରେ ଜୟନ୍ତ ସେଠି ମିଶନ ଶକ୍ତି ବି ପି ସି ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ – ବିରଞ୍ଚି ପ୍ରସାଦ ଶତପଥୀ