ଚିନ୍ତା ବଢ଼ାଉଛି ଏଚ୩ଏନ୨ ଭାଇରସ୍ । ରାଜ୍ୟରେ ଏହାରି ଭିତରେ ଚିହ୍ନଟ ହେଲେଣି ୫୯ ରୋଗୀ । ସିମଟମ ବଢ଼ୁଥିବାରୁ ବଢ଼ାଯିବ ଆଇଏଲଏସ ସର୍ଭିଲାନ୍ସ । ଏହା କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । ଅନ୍ୟପଟେ ଡାକ୍ତରଙ୍କ ବିନା ପରାମର୍ଶରେ ଅଯଥା ମନଇଚ୍ଛା ଔଷଧ ଖାଆନ୍ତୁ ନାହିଁ ବୋଲି କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ।କୋଭିଡ ଏଚ୩ଏନ୨ ଭାଇରସର ଲକ୍ଷଣ ସମାନ ରହିଛି । ତେଣୁ କୋଭିଡ ନେଗେଟିଭ ଥିଲେ ସାମ୍ପୁଲ କଲେକ୍ଟ କରି ପଠାଯିବକୁ କୁହାଯାଇଛି । ସିମଟମ ଥିଲେ ଟେଷ୍ଟ କରିବାକୁ ବିଜୟ ମହାପାତ୍ର ପରାମର୍ଶ ଦେଇଛନ୍ତି । ନିଜକୁ ଆଇସୋଲେଟ କରନ୍ତୁ । ଆତଙ୍କିତ ହେବାର ଆବ୍ୟଶକତା ନାହିଁ । ସ୍ୱାସ୍ଥ୍ୟ ବିଭାଗ ଘଟଣା ଉପରେ ତୀକ୍ଷଣ ନଜର ରଖିଛନ୍ତି ।
ଇନ୍ଫ୍ଲୁଏଞ୍ଜା ଏର ପରୀକ୍ଷା ପାଇଁ ସିଡିଏମ୍ଓମାନେ ଆରଟି-ପିସିଆର କିଟ୍ କିଣିପାରିବେ। ଟେଷ୍ଟ-ଟ୍ରାକ୍-ଟ୍ରିଟ୍-ଟିକାକରଣ-କୋଭିଡ ନିୟମାବଳୀ ପାଳନ କରିବା ସହିତ କୋଭିଡ ମାମଲା ଉପରେ ନଜର ରଖିବା ଲାଗି କୁହାଯାଇଛି। ରାଜ୍ୟ ସ୍ବାସ୍ଥ୍ୟ ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି, ଏବେ ଦୈନିକ ପ୍ରାୟ ୫ହଜାର କୋଭିଡ ନମୁନା ପରୀକ୍ଷା ହେଉଛି। ଥଣ୍ଡାକାଶ ଥିବା ବ୍ୟକ୍ତିମାନେ କୋଭିଡ ପରୀକ୍ଷା କରିନେବା ଉଚିତ୍। ଇନ୍ଫ୍ଲୁଏଞ୍ଜାର ସେଭଳି କୌଣସି ନିର୍ଦ୍ଦିଷ୍ଟ ଚିକିତ୍ସା ନାହିଁ। ତେବେ ଏହା ବୟସ୍କ, ଜଟିଳ ରୋଗ ଥିବା ବ୍ୟକ୍ତିମାନଙ୍କ ପାଇଁ ସମସ୍ୟା ସୃଷ୍ଟି କରିପାରେ। ଯଦି କୌଣସି ବ୍ୟକ୍ତିଙ୍କ ନିକଟରେ ଏଭଳି କୌଣସି ଲକ୍ଷଣ ରହିଛି ତାହାଲେ ସେମାନେ ନିଜକୁ ଅଲଗା ରଖିବା ସହିତ ମାସ୍କ ପିନ୍ଧିବା ଜରୁରୀ। ତେବେ ଇନ୍ଫ୍ଲୁଏଞ୍ଜା ଓ କୋଭିଡ ସଂକ୍ରମଣ ଉପରେ ରାଜ୍ୟ ସରକାର ନଜର ରଖିଥିବା ସେ କହିଛନ୍ତି।