ଲୋକପ୍ରିୟ ଓଡ଼ିଆ DJ AZEXଙ୍କ ଆତ୍ମହତ୍ୟା,ମୃତ୍ୟୁକୁ ନେଇ ବଢୁଛି ସନ୍ଦେହ

Share this :

ଓଡ଼ିଶାର ପ୍ରସିଦ୍ଧ ଡିଜେ ‘ଡିଜେ ଆଜେକ୍ସ’ ଓରଫ ଅକ୍ଷୟ କୁମାରଙ୍କର ସନ୍ଦେହଜନକ ଭାବେ ମୃତ୍ୟୁ ଘଟିଛି। ଭୁବନେଶ୍ୱରର ଖାରବେଳନଗର ସ୍ଥିତ ନିଜ ଘରୁ ତାଙ୍କ ଝୁଲନ୍ତା ମୃତଦେହକୁ ଉଦ୍ଧାର କରାଯାଇଛି। ତାଙ୍କ ମୃତ୍ୟୁର କାରଣ ଜଣାପଡ଼ିନାହିଁ।ହଜାର ହଜାର ଦର୍ଶକଙ୍କୁ ନିଜର ସଙ୍ଗୀତ ପ୍ରତିଭା ବଳରେ ମତୁଆଲା କରାଉଥିବା ଡିଜେ ଆଜେକ୍ସ ଆଉ ନାହାନ୍ତି । ଡିଜେ ଆଜେକ୍ସ ଓରଫ ଅକ୍ଷୟ କୁମାରଙ୍କ ଅକାଳ ବିୟୋଘ ଘଟିଛି । ତାଙ୍କର ମୃତ୍ୟୁ କିପରି ଘଟିଲା ସେନେଇ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ । ପୋଲିସ ଏହି ମାମଲାରେ ତଦନ୍ତ ଜାରି ରଖିଥିବା ଜଣାପଡ଼ିଛି । ଶବ ବ୍ୟବଚ୍ଛେଦ ପାଇଁ ତାଙ୍କର ମୃତଦେହ ରାଜଧାନୀ ଭୁବନେଶ୍ୱରର କ୍ୟାପିଟାଲ ହସ୍ପିଟାଲରେ ପହଞ୍ଚିଥିବା ଜଣାପଡ଼ିଛି ।

ତେବେ ସୂଚନା ମୁତାବକ, ଗତକାଲି ସନ୍ଧ୍ୟାରେ ଡିଜେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ସେ ଘରର ବେଡ ସିଟରେ ଝୁଲି ପଡ଼ିଥିବା ବେଳେ କବାଟ ଭଙ୍ଗାଯାଇ ତାଙ୍କର ଝୁଲନ୍ତା ମୃତଦେହ ଉଦ୍ଧାର କରାଯାଇଥିଲା । ଏହାପରେ ତାଙ୍କୁ ଚିକିତ୍ସା ନିମନ୍ତେ ମେଡିକାଲରେ ଭର୍ତ୍ତି କରାଯାଇଥିଲେ ହେଁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ଡିଜେ ରାଜଧାନୀର ଖାରବେଳ ନଗରରେ ରହୁଥିଲେ । ତେବେ କ’ଣ ପାଇଁ ଡିଜେ ଏହି ନିଷ୍ପତ୍ତି ନେଲେ ତାହା ଏବେ ସନ୍ଦେହ ବଢ଼ାଇଛି । ଗତକାଲି ସନ୍ଧ୍ୟା ସମୟରେ ସେ ପରିବାର ଲୋକଙ୍କ ସହିତ କଥା ହୋଇଥିବା ବେଳେ ପରବର୍ତ୍ତୀ ସମୟରେ ସେ ରୁମରେ ଶୋଇଯାଇଥିଲେ । ତେବେ ବହୁ ସମୟ ପର୍ଯ୍ୟନ୍ତ ସେ କାହାର ଡାକ ନ ଶୁଣିବାରୁ ବାଧ୍ୟ ହୋଇ କବାଟ ଭଙ୍ଗା ଯାଇଥିଲା । ମାତ୍ର ସେତେବେଳକୁ ସବୁକିଛି ସରି ଯାଇଥିଲା ।

Share this :

Leave a Reply

Your email address will not be published. Required fields are marked *