ସାଂସଦ ପଦ ରଦ୍ଦ ହେବା ପରେ ଟ୍ଵିଟର ବାୟୋ ପରିବର୍ତ୍ତନ କଲେ ରାହୁଲ ଗାନ୍ଧୀ, ଲେଖିଲେ ‘ଡିସକ୍ୱାଲିଫାଏ ଏମପି’

Share this :

ଲୋକସଭାରୁ କଂଗ୍ରେସ ସାଂସଦ ରାହୁଲ୍‌ ଗାନ୍ଧୀଙ୍କୁ ଅଯୋଗ୍ୟ ଘୋଷଣା କରାଯିବା ବିରୋଧରେ ଆଜି ସମଗ୍ର ଦେଶରେ କଂଗ୍ରେସ ଦିନିକିଆ ବିଶାଳ ପ୍ରତିବାଦ ‘ସଙ୍କଳ୍ପ ସତ୍ୟାଗ୍ରହ’ ପ୍ରଦର୍ଶନ ଆରମ୍ଭ କରିଛି।

राहुल गांधी ने ट्विटर पर लिखा 'डिसक्वालीफाइड MP'

ଦିଲ୍ଲୀର ରାଜଘାଟରେ ପ୍ରତିବାଦ ଆରମ୍ଭ କରିବା ଲାଗି କଂଗ୍ରେସ କରିଥିବା ଅନୁରୋଧକୁ ଆଇନ-ଶୃଙ୍ଖଳା କାରଣ ଦର୍ଶାଇ ଅଗ୍ରାହ୍ୟ କରାଯାଇଥିଲେ ବି ରାଜଘାଟ ସମ୍ମୁଖରେ କଂଗ୍ରେସର ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ, ବରିଷ୍ଠ ନେତା କେ.ସି. ବେଣୁଗୋପାଳ ଓ ଦଳର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ‘ସତ୍ୟାଗ୍ରହ’ର ନେତୃତ୍ବ ନେଉଛନ୍ତି।ତେଣୁ, କଂଗ୍ରେସର ସତ୍ୟାଗ୍ରହ ଆରମ୍ଭ ପୂର୍ବରୁ ରାଜଘାଟରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଦିଲ୍ଲୀ ପୁଲିସ କହିଛି ଯେ, କଂଗ୍ରେସର ସତ୍ୟାଗ୍ରହ ପାଇଁ ଅନୁମତି ଲୋଡ଼ାଯାଇଥିଲା, କିନ୍ତୁ ଦିଆଯାଇନାହିଁ। କିନ୍ତୁ, ପୁଲିସ ଉପଯୁକ୍ତ ସୁରକ୍ଷା ବ୍ୟବସ୍ଥା କରିଛି। ୧୪୪ ଧାରା ଜାରି, ଆଇନ-ଶୃଙ୍ଖଳା ପରିସ୍ଥିତି ଏବଂ ଯାନବାହନ ଚଳାଚଳରେ ବ୍ୟାଘାତ କଥା ଦର୍ଶାଇ ପୁଲିସ ରାଜଘାଟରେ ପ୍ରତିବାଦ ପ୍ରଦର୍ଶନ ପାଇଁ ଅନୁମତି ଦେଇନାହିଁ।

ଏ ସଂକ୍ରାନ୍ତରେ ପ୍ରତିକ୍ରିୟା ବ୍ୟକ୍ତ କରି କେ. ସି. ବେଣୁଗୋପାଳ କହିଛନ୍ତି, ପାର୍ଲାମେଣ୍ଟ୍‌ରେ ଆମ ପ୍ରତିବାଦକୁ ଦମନ କରିବା ପରେ ସରକାର ଆମକୁ ବାପୁଙ୍କ ସମାଧିସ୍ଥଳରେ ମଧ୍ୟ ଶାନ୍ତିପୂର୍ଣ୍ଣ ପ୍ରତିବାଦ କରିବା ଲାଗି ଅନୁମତି ଦେଉନାହାନ୍ତି। ବିରୋଧୀଙ୍କର ସବୁ ପ୍ରତିବାଦକୁ ଅନୁମତି ନ ଦେବା ମ‌ୋଦୀ ସରକାରଙ୍କର ଅଭ୍ୟାସରେ ପରିଣତ ହୋଇଗଲାଣି।ସମ୍ପ୍ରତି କଂଗ୍ରେସ ନେତା ଓ ସମର୍ଥକମାନେ ରାଜଘାଟ ସମ୍ମୁଖରେ ଥିବା ‘ଗାନ୍ଧୀ ଦର୍ଶନ ମେମୋରିଆଲ୍‌’ ବାହାରେ ପ୍ରତିବାଦ ପ୍ରଦର୍ଶନ କରୁଛନ୍ତି। ସଲ୍‌ମନ୍‌ ଖୁର୍ସିଦ୍‌ ଓ ସେବା ଦଳ କଂଗ୍ରେସ ମଧ୍ୟ ସେଠାରେ ପହଞ୍ଚିଛନ୍ତି।ସଦ୍ୟତମ ସୂଚନା ଅନୁସାରେ ରାହୁଲ୍‌ ଗାନ୍ଧୀ ମଧ୍ୟ ତାଙ୍କ ‘ଟୁଇଟର୍‌ ହ୍ୟାଣ୍ଡେଲ୍‌ ଷ୍ଟାଟସ୍‌’ ବଦଳାଇ ଦେଇଛନ୍ତି। ଏବେ ସେଥିରେ ଲେଖାଯାଇଛି: ଡିସ୍‌’କ୍ବାଲିଫାଏଡ୍‌ ଏମ୍‌. ପି.।

Share this :

Leave a Reply

Your email address will not be published. Required fields are marked *