ହାତୀଙ୍କ ଉପରେ କଡ଼ା ନଜର ରଖୁଛି ଥର୍ମାଲ ଡ୍ରୋନ

Share this :

ଡ୍ରୋନରେ ନଜର ଆସିଲେ ହାତୀ। ଜଙ୍ଗଲରେ ବୁଲୁଥିବା ହାତୀ ପଲଙ୍କୁ ଧରିଲା ଡ୍ରୋନ୍‌। ଜଙ୍ଗଲରେ ହାତୀମାନଙ୍କୁ ଟ୍ରାକ୍‌ କରିବା ପାଇଁ ଡ୍ରୋନ୍‌ର ସହାୟତା ନେଇଛନ୍ତି କେନ୍ଦୁଝର ବନ ବିଭାଗ ।

ରାତିରେ ହାତୀକୁ ଜଗିବ ଡ୍ରୋନ: ଜଙ୍ଗଲୀ ହାତୀପଲ ଉପରେ ନଜର ରଖିବ ଥର୍ମାଲ ଇନଫ୍ରା ରେଡ୍ କ୍ୟାମେରା | Kanak News

ପ୍ରଥମ ଥର ପାଇଁ ହାତୀଙ୍କ ସୁରକ୍ଷା ପାଇଁ ନିୟୋଜିତ Thermal Drone Cameraରେ ଏଭଳି ଦୃଶ୍ୟ ସମସ୍ତଙ୍କୁ ଚକିତ କରି ଦେଇଛି। ମୁଖ୍ୟତଃ ରାତିରେ ଏହି କ୍ୟାମେରାରେ ହାତୀପଲଙ୍କ ଚଲାପଥ ଅନୁଧ୍ୟାନ ସହ କେତେ ମାଈ, ଦନ୍ତା ଓ ଛୁଆହାତୀ ଅଛନ୍ତି ସେ ସମ୍ପର୍କରେ ସୂଚନା ମିଳିଥାଏ ବୋଲି ସୂଚନା ଦେଇଛନ୍ତି କେନ୍ଦୁଝର DFO। ଜଙ୍ଗଲରେ ଦଳ ହୋଇ ହାତୀ ପଲ ବୁଲୁଥିବାର ଏ ଦୃଶ୍ୟ ସତରେ ନିଆରା।

ଅନେକ ସମୟରେ ଅଘଟଣ ଘଟୁଛି। ବିଭିନ୍ନ ସମୟରେ ହାତୀ ଓ ମଣିଷଙ୍କ ମଧ୍ୟରେ ଲଢ଼େଇ ଲାଗି ରହୁଛି । କେତେ ବେଳେ ହାତୀ ମରୁଛି ତ କେତେବେଳେ ମଣିଷ ଜୀବନ ଯାଉଛି। ଏପରିକି ହାତୀର ଗତିବିଧି ମଧ୍ୟ ରାତିରେ ଜଣା ପଡିବା କଷ୍ଟକର ହୋଇପଡ଼େ। ଏଣୁ ଏ ସବୁକୁ ରୋକିବାକୁ ବନ ବିଭାଗ ଏବେ ନୂତନ ପ୍ରୟାସ ଆପଣେଇଛି। ଏହାର ପ୍ରଥମେ ଗତ ୨୦୨୨ ଡିସେମ୍ବର ୩ ତାରିଖରେ ଚମ୍ପୁଆ ରେଞ୍ଜରେ ହୋଇଥିଲା। ଏଥିସହ ପାଟଣା ଓ ଘଟଗାଁ ରେଞ୍ଜରେ ମଧ୍ୟ ରାତିରେ ହାତୀର ଗତିବିଧିକୁ ନେଇ ସଫଳ ପରୀକ୍ଷା କରାଯାଇଛି। ଏହା ଏବେ ହାତୀ ମଣିଷଙ୍କ ଲଢେଇରେ ରୋକ ଲଗାଇବାରେ ବେସ ସକ୍ଷମ ହୋଇଛି।

Share this :

Leave a Reply

Your email address will not be published. Required fields are marked *