ବର୍ତ୍ତମାନ ଚୈତ୍ର ନବରାତ୍ରୀ ଚାଲିଛି । ନବରାତ୍ରୀରେ ଦେବୀ ମା’ଙ୍କ ନଅଟି ରୂପ ପୂଜା କରାଯାଇଥାଏ । ଏହି ସମୟରେ ଅନେକ ଲୋକେ ନବରାତ୍ରୀର ବ୍ରତ ରଖି ନିଜ ମନସ୍କାମନାର ସିଦ୍ଧି କରିଥାନ୍ତି । ତେବେ ଏହି ବ୍ରତକୁ ଧାର୍ମିକ ମାନ୍ୟତା ଦିଆଯାଇଥିଲେ ମଧ୍ୟ ଏହା ପଛରେ ବୈଜ୍ଞାନିକ କାରଣ ମଧ୍ୟ ରହୁଛି । ଆସନ୍ତୁ ଜାଣିବା ନବରାତ୍ରୀରେ ଉପବାସ ରଖିବା ପଛରେ ବୈଜ୍ଞାନିକ କାରଣ କଣ ରହିଛି ।ନବରାତ୍ରୀରେ ଲୋକେ ନଅ ଦିନ ପର୍ଯ୍ୟନ୍ତ ଉପବାସ ରଖିଥାନ୍ତି ଏବଂ ସାତ୍ତ୍ୱିକ ଭୋଜନ ଖାଇଥାନ୍ତି । ସାତ୍ତ୍ୱିକ ଭୋଜନକୁ ଶୁଦ୍ଧ ଏବଂ ସନ୍ତୁଳିତ ବୋଲି ଧରାଯାଏ । ଏପରି ଭୋଜନ ଯାହା ଶରୀରରେ ଖୁବ ଶୀଘ୍ର ହଜମ ହୋଇଥାଏ । ସେହିପରି ଗରିଷ୍ଠ ଭୋଜନ ସ୍ୱାଦରେ ଭଲ ହୋଇଥାଏ ହେଲେ ଏହାକୁ ପାଚନ କରିବା ପାଇଁ ଶରୀରକୁ ଅନେକ ଶକ୍ତି ଖର୍ଚ୍ଚ କରିବାକୁ ପଡିଥାଏ । ଏହାଦ୍ୱାରା ଶରୀରର ଏବଂ ମନ ଦୁଇଜଣ ଥକିପଡନ୍ତି ।
ଚୈତ୍ର ନବରାତ୍ରୀ ସମୟରେ ଜଳବାୟୁରେ ପରିବର୍ତ୍ତନ ଘଟିଥାଏ। ଏହି ଜଳବାୟୁରେ ଅନେକ ନୂତନ ଜୀବାଣୁ ଉତ୍ପନ୍ନ ହୁଅନ୍ତି, ଏହାସହ ଯୁଦ୍ଧ କରିବାକୁ ଆମ ଶରୀର ପ୍ରସ୍ତୁତ ନଥାଏ। ଏହି ଜୀବାଣୁ ବିରୁଦ୍ଧରେ ଲଢ଼ିବା ପାଇଁ କେବଳ ଆମ ଶରୀରକୁ ପ୍ରସ୍ତୁତ କରିବା ପାଇଁ ଉପବାସ କରାଯାଇଥାଏ। ବହୁ ଶତାବ୍ଦୀ ପୂର୍ବରୁ ଭାରତରେ ବିଜ୍ଞାନ ବିଷୟରେ ଅଳ୍ପ ଲୋକ ଜାଣିଥିଲେ।
ନବରାତ୍ରୀ ସମୟରେ ଉପବାସ କରିବା ଦ୍ୱାରା ଶରୀର ସକ୍ରିୟ ରହିଥାଏ। ଉପବାସ ଦ୍ୱାରା ହଜମ ପ୍ରକ୍ରିୟାରେ ଉନ୍ନତି ଆଣିବା ସହିତ ଶରୀରର ଡିଟକ୍ସଫିକେସନ୍ ମଧ୍ୟ ହୁଏ। ନବରାତ୍ରୀ ସମୟରେ ଉପବାସର ବୈଜ୍ଞାନିକ କାରଣ ହେଉଛି ଆପଣଙ୍କ ଶରୀରକୁ ଡିଟକ୍ସାଇଫ୍ କରିବା। ସପ୍ତାହରେ ଥରେ ହାଲୁକା ଖାଦ୍ୟ ଖାଇବା ଦ୍ୱାରା ହଜମ ପ୍ରକ୍ରିୟାକୁ ଆରାମ ମିଳିଥାଏ। ଉପବାସ ମଧ୍ୟ ଅନ୍ତନଳୀକୁ ସଫା କରିବା ଏବଂ ଶକ୍ତିଶାଳୀ କରିବାରେ ସାହାଯ୍ୟ କରିଥାଏ ।