ବିହାର ପରେ ୟୁଟ୍ୟୁବର ମନୀଷ କଶ୍ୟପଙ୍କ ଉପରେ ଭାରି ପଡିଲା ତାମିଲନାଡୁ ପୁଲିସ । ମନୀଷଙ୍କ ଉପରେ ଏନଏସଏ ଲାଗୁ କରିଛି ତାମିଲନାଡୁ ପୁଲିସ । ବିହାରର କିଛି ଦିନମଜୁରିଆଙ୍କୁ ତାମିଲନାଡୁରେ ଆକ୍ରମଣ ଘଟଣାର ଫେକ୍ ଭିଡିଓ ପୋଷ୍ଟ କରିବା ଅଭିଯୋଗରେ ଏପରି କଡା କାର୍ଯ୍ୟାନୁଷ୍ଠନ ଗ୍ରହଣ କରିଛି ପୁଲିସ ।ତାମିଲନାଡୁରେ ପ୍ରବାସୀ ଦିନ ମଜୁରିଆଙ୍କୁ ଆକ୍ରମଣ କରାଯିବାର ମିଛ ଭିଡିଓ ସୋସିଆଲ ମିଡିଆରେ ପୋଷ୍ଟ କରିବା ମାମଲାରେ ମନୀଷ କଶ୍ୟପଙ୍କୁ ଏପ୍ରିଲ ୧୯ ତାରିଖ ଯାଏଁ ନ୍ୟାୟିକ ହେପାଜତରେ ପଠାଯାଇଛି । ଏହା ପୂର୍ବରୁ ମନୀଷଙ୍କୁ ପୁଲିସ କଷ୍ଟଡିରେ ପଠାଯାଇଥିଲା । ଏହି ମାମଲାରେ ମନୀଷଙ୍କ ପକ୍ଷରୁ ମଧ୍ୟ ସୁପ୍ରିମକୋର୍ଟରେ ପାଲଟା ଅପିଲ କରାଯାଇଛି ।
କ’ଣ ଏହି ଏନଏସଏ?ଏନଏସଏ ଅର୍ଥାତ୍ (ନ୍ୟାସନାଲ ସିକ୍ୟୁରିଟି ଆକ୍ଟ) ବା ରାଷ୍ଟ୍ରିୟ ସୁରକ୍ଷା ଆଇନ୍ ଏହା ଏପରି ଏକ ଆଇନ୍ ଯାହା ଆଧାରରେ କୌଣସି ବିପଦର ଆଶଙ୍କା କରି କୌଣସି ବ୍ୟକ୍ତିଙ୍କ ଗିରଫ କରାଯାଇପାରେ । ଯଦି ପ୍ରଶାସନକୁ ଅନୁଭବ ହୁଏ ଯେ, ସମ୍ପୃକ୍ତ ବ୍ୟକ୍ତିଙ୍କ କାରଣରୁ ସମାଜ ତଥା ଦେଶର ଏକତା ଓ ସଦଭାବନା କ୍ଷୁର୍ଣ୍ଣ ହେଉଛି ତେବେ ତାଙ୍କୁ ଗିରଫ କରାଯାଇ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ ।