ବ୍ରହ୍ମପୁର,ଭାରତର ସର୍ବପୁରାତନ ଦଳ ଭାବେ ପରିଚିତ ଭାରତୀୟ ଜାତୀୟ କଂଗ୍ରେସ ଦଳ ଦ୍ଵାରା ଆରମ୍ଭ ହୋଇଥିବା ଭାରତ ଯୋଡ ଯାତ୍ରା ଆଜି ବ୍ରହ୍ମପୁର କଂଗ୍ରେସ ପକ୍ଷରୁ ପ୍ରଦେଶ କଂଗ୍ରେସ କମିଟି ସଭାପତି ଶରତ ପଟନାୟକଙ୍କୁ ସ୍ଵାଗତ ସମ୍ୱର୍ଦ୍ଧନା କରାଯିବା ସହ ସହର ପରିକ୍ରମା କରାଯାଇଥିଲା ା ଏହି ପଦଯାତ୍ରା ଆମ୍ୱଗଡରୁ ଆମ୍ୱପୁଆ ପର୍ଯ୍ୟନ୍ତ ଯାଇଥିଲା ା ଏହି ହଜାର ହଜାର କଂଗ୍ରେକମୀ ଓ ନେତା ଯୋଗଦେଇଥିଲେ ା ଏହି ପଦଯାତ୍ରାକୁ ସାନଖେମୁଣ୍ଡି ବିଧାୟକ ତଥା ଜିଲ୍ଲା କଂଗ୍ରେସ କମିଟି ସଭାପତି ରମେଶ ଜେନାଙ୍କ ପରାମର୍ଶ କ୍ରମେ ରାଜ୍ୟ କିଷାନ ସେଲ ଆବାହକ ରଶ୍ମିରଞ୍ଜନ ପଟ୍ଟନାୟକ
ଙ୍କ ନେତୃତ୍ଵରେ ଏହି ବିଶାଳ ପଦଯାତ୍ରା ବ୍ରହ୍ମପୁର ସହରର ମଧ୍ୟଭାଗ ଦେଇ ଆମ୍ୱଗଡରୁ ବାହାର ଆମ୍ୱପୁଆରେ ଅଟକି ଥିଲା ା ଏହି ପଦଯାତ୍ରା ଅବସରରେ ସକାଳ ସାଢ଼େ 10ଟାରୁ ଦିନ 3ଟା ପର୍ଯ୍ୟନ୍ତ ଦୀର୍ଘ 15 କିଲୋମିଟର ଧରି ଏହି ପଦଯାତ୍ରାରେ ବହୁ ଲୋକ ସାମିଲ ହୋଇଥିଲେ ା ଏହି ଅବସରରେ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ମନମୁଖୀ ଶାସନ ବିରୋଧରେ ଆଜି କିପରି ସାଧାରଣ ଜନତା ହନ୍ତସନ୍ତ ହେଉଛନ୍ତି ତାହାକୁ ବଖାଣିଥିଲେ କଂଗ୍ରେସ ନେତା ରଶ୍ମି ପଟ୍ଟନାୟକ ା ଆଜି ରାଜ୍ୟରେ ଶିକ୍ଷାଠାରୁ ଆରମ୍ଭ କରି ସ୍ଵାସ୍ଥ୍ୟ କ୍ଷେତ୍ର ଯେଭଳି ଅବହେଳିତ ହୋଇ ପଡିଛି ତାହା ପାଇଁ କେବଳ କେନ୍ଦ୍ର ଓ ରାଜ୍ୟ ସରକାରଙ୍କ ଦୂରଦୃଷ୍ଟିହୀନ ଯୋଜନା ହିଁ ଦାୟୀ ବୋଲି କହିବା ସହ ଆଜି ଦେଶ ତଥା ରାଜ୍ୟରେ ଶିକ୍ଷିତ ବେକାରୀଙ୍କ ସଂଖ୍ୟା ବଢ଼ୁଥିବା ବେଳେ ଗ୍ୟାସ୍ ଠାରୁ ଆରମ୍ଭ କରି ପେଟ୍ରୋଲ ପର୍ଯ୍ୟନ୍ତ ସବୁ ନିତ୍ୟବ୍ୟବହାର୍ଯ୍ୟ ଜିନିଷ ଆକାଶ ଛୁଆଁ ପାଲଟିଛି ା
ଖାସ୍ କରି ରାଜ୍ୟର ଖୋଦ୍ ମୁଖ୍ୟମନ୍ତ୍ରୀ ଗଞ୍ଜାମ ଜିଲ୍ଲାର ହିଞ୍ଜିଳିକାଟୁ ନିର୍ବାଚନ ମଣ୍ଡଳିରୁ ନିର୍ବାଚିତ ହୋଇଯାଇଥିବା ବେଳେ ଆଜି ଗଞ୍ଜାମ ଜିଲ୍ଲାକୁ ଅଣଦେଖା କରିଦେଇଥିବା ଅଭିଯୋଗ କରିଛନ୍ତି ଶ୍ରୀ ରଶ୍ମି ପଟ୍ଟନାୟକ ା ଗଞ୍ଜାମ ଜିଲ୍ଲାରେ ସେପରି କିଛି ବି ଆଖି ଦୃଶିଆ ଉନ୍ନତି କାମ କରାଯାଇନଥିବା ବେଳେ ଆଜି ବ୍ରହ୍ମପୁରର ପାଟ ଯାହାକି ଭାରତ ପ୍ରସିଦ୍ଧ ଥିଲା ତାହା ଆଜି ଲୋପ ହେବାକୁ ବସିଛି ା ସେହିପରି ବ୍ରହ୍ମପୁରରେ ଦୀର୍ଘ ଦିନ ଧରି ଦାବି ହୋଇଆସୁଥିବା ବିମାନ ବନ୍ଦର ତାହା ବି ଆଜି ବ୍ରହ୍ମପୁରବାସୀଙ୍କ ପାଇଁ ସ୍ଵପ୍ନ ପାଲଟିଛି ା ସେହିପରି ଗୋପାଳପୁର-ଦୀଘା ଭାରତମାଳା ଯୋଜନାରୁ ଗଞ୍ଜାମ ଜିଲ୍ଲା ବାଦ୍ ପଡିବା ଏହା ଗଞ୍ଜାମବାସୀଙ୍କ ପାଇଁ ବିଶ୍ଵାସଘାତକା ସଦୃଶ ା ଓଡ଼ିଶାର ଚାରିଆଡେ ଆଜି କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତରେ ରେଳ ଲାଇନ ପାଇଁ ଯୋଜନା ଓ ପ୍ରକଳ୍ପ ହେଉଥିବା ବେଳେ ଗଞ୍ଜାମ ଜିଲ୍ଲାରେ ରେଳ ପ୍ରକଳ୍ପର କୌଣସି ବିକାଶ ଘଟିନାହିଁ ା ଖାସ୍ କରି ଗଞ୍ଜାମ ଜିଲ୍ଲା ଅଧିକ ଅବହେଳିତ ଅବସ୍ଥାରେ ରହିଥିବା ଏକ କ୍ଷୋଭର ବିଷୟ ବୋଲି ଶ୍ରୀ ରଶ୍ମି ପଟ୍ଟନାୟକ ନିଜ ମତ ରଖିଛନ୍ତି ା ଆଗକୁ 2024 ନିର୍ବାଚରେ ଗଞ୍ଜାମବାସୀ ଏହାର ଦୃଢ଼ ଜବାବ ଦେବେ ବୋଲି ସେ ଆଶାବ୍ୟକ୍ତ କରିଛନ୍ତି ା ସେହିପରି ବ୍ରହ୍ମପୁର ମହାନଗର ମାନ୍ୟତା ପାଇବା ପରେ ମଧ୍ୟ ଏଠାରେ ଗୋଟିଏ ମହାନଗରର ଯେତିକି ବିକାଶ ହେବା କଥା ତାହାର ଚିହ୍ନବର୍ଣ୍ଣ ନାହିଁ ା ରାସ୍ତାଘାଟ ଠାରୁ ଆରମ୍ଭ କରି ପାଣି ସମସ୍ୟା ଲାଗି ରହିଥିବା ବେଳେ ଡ୍ରେନେଜ ସମସ୍ୟା ଯୋଗୁଁ ଲୋକେ ମଶାମାଛିଙ୍କ ପାର୍ଦୃଭାରେ ଅତିଷ୍ଠ ହୋଇପଡିଛନ୍ତି ା ପ୍ରଶାସନର ଦୂରଦୃଷ୍ଟୀ ଅଭାବରୁ ଆଜି ହଳିଦଆପଦର ବସ୍ଷ୍ଟାଣ୍ଡ ଭୂତକୋଠୀ ସାଜିଥିବା ବେଳେ ଶହ ଶହ ବ୍ରହ୍ମପୁର ସହର ମଧ୍ୟ ଦେଇ ପ୍ରବେଶ ଯୋଗୁଁ ଟ୍ରାଫିକ୍ ସମସ୍ୟାରେ ସୁଧାର ଆସିନାହିଁ ା ଏହି ଭାରତ ଯୋଡ ପଦଯାତ୍ରାରେ ଶତାଧିକ କର୍ମି ଉପସ୍ଥିତ ଥିଲେ। ପ୍ରାୟ 5 ଘଣ୍ଟା ଧରି ବଜାରରେ ପ୍ରବଳ ଗହଳି ଦେଖା ଦେଇ ଥିଲା ବେଳେ ଶାନ୍ତି ଶୃଙ୍ଖଳା ପାଇଁ ବ୍ୟାପକ ପୋଲିସ ମୁତୟନ କରାଯାଇଥିଲା।