ଓଡ଼ିଶାର ଏସସି-ଏସଟି,ପଛୁଆବର୍ଗ ଉଦ୍ୟୋଗୀମାନଙ୍କର ଗୁରୁତ୍ଵପୂର୍ଣ୍ଣ ସମସ୍ୟାର ସମାଧାନ ପାଇଁ, ଓଡିଶା ଏସସି-ଏସଟି ଉଦ୍ୟୋଗୀ ଫେଡେରେଶନ ପକ୍ଷରୁ ଗଞ୍ଜାମ ଜିଲ୍ଲାପାଳ ଙ୍କ କାର୍ଯ୍ୟଳୟ କୁ ଯାଇ ଦାୟିତ୍ଵ ରେ ଥିବା କର୍ତ୍ତବ୍ୟ ରତ ଅଧିକାରୀ ଙ୍କୁ ଭେଟି ଏକ ସ୍ମାରକପତ୍ର ପ୍ରଦାନ କରିଥିଲେ । ପ୍ରଦତ୍ତ ସ୍ମାରକପତ୍ରରେ ରାଜ୍ୟର ଏସ.ସି.-ଏସ.ଟି. ସମ୍ପ୍ରଦାୟର ଉଦ୍ୟୋଗୀମାନେ ସମ୍ମୁଖୀନ ହେଉଥିବା ସାମାଜିକ ଭେଦା-ଭାବ, ଅସଦାଚରଣ ତଥା ପ୍ରତିବନ୍ଧକ ଗୁଡ଼ିକ ସମ୍ବନ୍ଧରେ ପ୍ରଶାସନ ର ଦୃଷ୍ଟି ଆକର୍ଷଣ କରାଯାଇଛି ତାହାକୁ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ରାଜ୍ଯ ସରକାରଙ୍କ ଅବଗତ ସ୍ବରୂପ ଜିଲ୍ଲା ପ୍ରଶାସନ ଆଗରେ ଦାବୀ ତଥା ଅନୁରୋଧ କରାଯାଇଛି ।
ସର୍ବୋପରି ଆର୍ଥିକ ସୁବିଧା, ଭିତ୍ତିଭୂମି ର ଅଭାବ, ବ୍ୟାଙ୍କ ଏବଂ ଅମଲାତାନ୍ତ୍ରିକ ବାଧା ତଥା ସୀମିତ ବଜାର ସୁଯୋଗ ଭଳି ପ୍ରମୁଖ ପ୍ରସଙ୍ଗ ଦର୍ଶାଇଥିଲା।
ଏସସି-ଏସଟି ଉଦ୍ୟୋଗୀମାନେ ସମ୍ମୁଖୀନ ହେଉଥିବା ବ୍ୟବସ୍ଥିତ ପ୍ରତିବନ୍ଧକକୁ ସମାଧାନ କରିବାର ଗୁରୁତ୍ବକୁ ଦୋହରାଇଛନ୍ତି ଏବଂ ସେମାନଙ୍କର ଆର୍ଥିକ ସଶକ୍ତିକରଣ ପାଇଁ ଠୋସ୍ ପଦକ୍ଷେପ ଗ୍ରହଣ କରିବାକୁ ଅଧିକାରୀମାନଙ୍କୁ ଅନୁରୋଧ କରିଛନ୍ତି । ଏହି ସ୍ମାରକପତ୍ରରେ ଅନ୍ତର୍ନିହିତ ବିକାଶକୁ ପ୍ରୋତ୍ସାହିତ କରିବା ଏବଂ ପଛୁଆବର୍ଗ ତଥା ଅନୁସୂଚୀତ ଜାତି/ ଜନଜାତି ସମ୍ପ୍ରଦାୟ ମଧ୍ଯରେ ଉଦ୍ୟୋଗ ପାଇଁ ଏକ ଅନୁକୂଳ ପରିବେଶ ପ୍ରତିପାଦନ କରିବାକୁ ନ କରିବାକୁ ନିର୍ଦ୍ଦିଷ୍ଟ ନୀତି ସୁପାରିଶ କରିବାକୁ ଉକ୍ତ ସ୍ମାରକ ପତ୍ରରେ ଅନ୍ତର୍ଭୁକ୍ତ କରାଯାଇଛି । ଉକ୍ତ ସ୍ମାରକପତ୍ରରେ ଦର୍ଶାଯାଇଥିବା ସମସ୍ତ ଦାବୀ ଗୁଡ଼ିକ ସମ୍ପର୍କରେ ବିଶେଷ ଧ୍ୟାନ ଦେଇ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଦିଗରେ ବିହିତ ପଦକ୍ଷେପ ନିଆଯିବାକୁ ପ୍ରଶାସନ ଠାରେ ଦାବୀ ହୋଇଛି ।
ସଂଗଠନ ର ସଭାପତି ମୃତ୍ୟୁଞ୍ଜୟ ବେହେରା, ଉପ-ସଭାପତି ଭଗବାନ ବେହେରା, ସମ୍ପାଦକ ସୁଦାମ ଚନ୍ଦ୍ର ବେହେରା,ସହ-ସମ୍ପାଦକ ବିଧାନ ନାୟକ ପ୍ରମୁଖ ଜିଲ୍ଲା ର ସମସ୍ତ ତହସିଲ ସ୍ତରରୁ କାର୍ଯ୍ୟାକର୍ତ୍ତା ଉପସ୍ଥିତ ହୋଇ ଏହି ସମସ୍ୟାର ସମାଧାନ କରିବାକୁ ଦାବୀ କରିଛନ୍ତି ।