ଆସିକା:୨୧/୦୨/ଆମ ରାଜ୍ୟରେ ରାଜ୍ୟ ସରକାର 5T ମାଧ୍ୟମରେ ଅନେକ ବିଦ୍ୟାଳୟ କୁ ରୁପାନ୍ତିକରଣ କରୁଛନ୍ତି l ଛାତ୍ର ଛାତ୍ରୀ ମାନଙ୍କୁ ସରକାରୀ ସ୍କୁଲରେ ଘରୋଇ ସ୍କୁଲ ପରି ପାଠ ପଢାଠୁ ଆରମ୍ଭ କରି ଈ ଲାଇବେରୀ ପର୍ଯ୍ୟନ୍ତ ସମସ୍ତ ସୁବିଧା ଯୋଗାଇ ଦିଆଯାଉଛି l କୁହାଯାଏ କି 5T ଆସିବା ପରଠୁ ଶିକ୍ଷା ଗୁଣାତ୍ମକ ମାନ ବଢିବାରେ ଲାଗିଛି l ହେଲେ ଗଞ୍ଜାମ ଜିଲ୍ଲା ଆସିକା ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ନଚ୍ଛମନପଲ୍ଲୀ ୧୬ ନମ୍ବର ୱାର୍ଡରେ ଥିବା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷା ବ୍ୟବସ୍ଥାର ବିକଳ ଚିତ୍ର l ସ୍କୁଲରେ ଥିବା ଶ୍ରେଣୀ ପ୍ରକୋଷ୍ଠ ଗୁଡ଼ିକ ସମ୍ପୂର୍ଣ ରୂପେ ଭାଙ୍ଗି ଯାଇଥିବା ବେଳେ ପିଲାଙ୍କ ପାଠ ପଢିବା ପାଇଁ ନାହିଁ କ୍ଲାସ ରୁମ୍ l ଦୀର୍ଘ ଆଠ ମାସରୁ ଅଧିକ ଦିନ ହେଲା ପିଲା ମାନେ ଖରା ବର୍ଷାକୁ ଖାତିରି ନକରି ସ୍କୁଲ ବାରଣ୍ଡାରେ ପାଠ ପଢ଼ୁଛନ୍ତି l ଏ ନେଇ ଅନେକ ଥର ସ୍କୁଲ ଛାତ୍ର ଛାତ୍ରୀ ଠାରୁ ଆରମ୍ଭ କରି ଅଭିଭାବକ ମାନେ ପ୍ରତିବାଦ କରିଥିଲେ ମଧ୍ୟ ଶୁଣୁ ନାହାନ୍ତି ପ୍ରଶାସନ l ସେଥି ପାଇଁ ସ୍କୁଲର ୧୦୦ ଉର୍ଦ୍ଧ ଛାତ୍ରଛାତ୍ରୀଙ୍କ ଭବିଷ୍ୟତ l ଆସିକା ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ନଚ୍ଛମନପଲ୍ଲୀ ୧୬ ନମ୍ବର ୱାର୍ଡରେ ରହିଛି ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ l ୧ ଠାରୁ ଆରମ୍ଭ କରି ୮ ଶ୍ରେଣୀ ଯାଏଁ ସ୍କୁଲରେ ପାଠ ପଢା ଚାଲିଛି l ୧୦୦ ରୁ ଉର୍ଦ୍ଧ ଛାତ୍ର ଛାତ୍ରୀ ସ୍କୁଲରେ ନିଜର ଭବିଷ୍ୟତ ଗଢ଼ିବାକୁ ନେଇ ସ୍ବପ୍ନ ଦେଖୁଛନ୍ତି l କିନ୍ତୁ ଖୁଦ ରାଜ୍ୟସରକାର ଏବେ ସେହି ପିଲା ମାନଙ୍କ ଭବିଷ୍ୟତ କୁ ଅନ୍ଧକାର ଭିତରକୁ ଠେଲି ଦେଇଛନ୍ତି l ସ୍କୁଲର ଗୋପବନ୍ଧୁ କକ୍ଷ ଠାରୁ ଆରମ୍ଭ କରି ବିବେକାନନ୍ଦ କକ୍ଷ ସମ୍ପୂର୍ଣ ରୂପେ ଭାଙ୍ଗିକି ପଡ଼ିଛି l ଏମିତିକି ଭାଙ୍ଗି ଯାଇଥିବା ଶ୍ରେଣୀ କୋଠରୀ ଗୁଡ଼ିକରେ ଗଛ ଲତା ସବୁ ମାଳି ଯାଉଛି l ଆଉ ସ୍କୁଲ୍ ରେ ୮ ଶ୍ରେଣୀର ପାଠ ପଢା ପାଇଁ ମାତ୍ର ୩ ଟି କ୍ଲାସ ରୁମ୍ ରହିଛି l ଗୋଟିଏ କ୍ଲାସ ରୁମ୍ ରେ ତିନି ତିନୋଟି ଶ୍ରେଣୀର ପାଠ ପଢା ସମ୍ଭବ ହେଉ ନଥିବାରୁ ପିଲା ମାନେ ଖରାରେ ସ୍କୁଲ ବାରଣ୍ଡାରେ ବସି ପାଠ ପଢ଼ୁଛନ୍ତି l
ଅପର ପକ୍ଷରେ ସ୍କୁଲ ଛାତ୍ର ଛାତ୍ରୀ ଦିର୍ଘ ଆଠ ମାସରୁ ଉର୍ଦ୍ଧ୍ବ ସମୟ ହେଲା ସ୍କୁଲ ବାରଣ୍ଡାରେ ପାଠ ପଢ଼ୁଛନ୍ତି l ସ୍କୁଲ ଛାତ୍ର ଛାତ୍ରୀ ଓ ଅଭଭାବକଙ୍କ ମାନେ ନିଜର ସମସ୍ୟାକୁ ନେଇ ବିଡ଼ିଓ ଠାରୁ ଆରମ୍ଭ କରି ଏନ୍. ଏ. ସି କାର୍ଯୟନିର୍ବାହୀ ଅଧିକାରୀ ଓ ଗୋଷ୍ଟି ଶିକ୍ଷା ଅଧିକାରିଣୀଙ୍କୁ ଜଣାଇଥିଲେ l ପିଲା ମାନଙ୍କ ପାଠ ପଢ଼ାରେ ଅସୁବିଧା ହେଉ ଥିବା ଜାଣିବା ପରେ ଆସିକା ଗୋଷ୍ଟି ଶିକ୍ଷା ଅଧିକାରିଣୀ ସ୍କୁଲ ପରିଦର୍ଶନ କରିବା ସହ ସ୍କୁଲର ସମସ୍ୟାକୁ ନେଇ ଆଲୋଚନା ମଧ୍ୟ କରିଛନ୍ତି l ଏ ନେଇ ଏନ୍. ଏ. ସି କାର୍ଯୟନିର୍ବାହୀ ଅଧିକାରୀଙ୍କୁ ସ୍କୁଲରେ ଶ୍ରେଣୀ ପ୍ରକୋଷ୍ଠ ନିର୍ମାଣ ପାଇଁ ଅନୁରୋଧ ମଧ୍ୟ କରିଛନ୍ତି l ହେଲେ ତାର ସ୍ଥିତି ବର୍ତମାନ କଣ ଅଛି ସେ ନେଇ ପୁଣି ଥରେ ଏନ୍. ଏ. ସି କାର୍ଯୟନିର୍ବାହୀ ଅଧିକାରୀଙ୍କ ସହ ଆଲୋଚନା କରିବେ ବୋଲି ସେ କହିଛନ୍ତି l
