ବୈପାରିଗୁଡା:-(ଆନିସ) ବୈପାରିଗୁଡା ଥାନା ଅନ୍ତର୍ଗତ ବୈପାରିଗୁଡା ସହରର କୁନ୍ଦୁରା ରାସ୍ତାର ଗୌଡସାହି ନିକଟରେ (ଆରଜେ ୧୯ ଜିବି ୯୮୪୮) ଟ୍ରଲର ୧୪ ଚକିଆ କୁନ୍ଦୁରା ଅଭିମୁଖେ ଯାଉଥିବା ବେଳେ ଦୀପକ୍ କୁ ଧକ୍କା ଦେଇଥିଲା ଫଳରେ ଘଟଣା ସ୍ଥଳରେ ଶିଶୁ ଟିର ମୃତୁ୍ ଘଟିଥିଲା। ଘଟଣା ଅନୁସାରେ ସକାଳ ୯ ଘଣ୍ଟ ସମୟରେ ଦୀପକ୍ କୁମାର ପରିଛା ପିତା- ରାମଚନ୍ଦ୍ର ପରିଛା ଙ୍କ ପୁଅ ନିଜ ବଡ଼ ବାପାଙ୍କ ଘର ଗୌଡସାହିକୁ ଯାଇ ନିଜ ଘର ମୈନାପଡାକୁ ଆସୁଥିବା ସମୟରେ ପଛ ପଟରୁ ଟ୍ରଲର ଆସି ଧକା ଦେଇଥିଲା। ଫଳରେ ଶିଶୁଟି ଘଟଣା ସ୍ଥଳରେ କଚାଡି ହୋଇ ପଡ଼ି ଗଲା।ସେଠାରେ ସେ ଗୁରୁତର ହେବାରୁ ସଂଗେ ସଂଗେ ଶିଶୁକୁ ବୈପାରିଗୁଡା ସ୍ବାସ୍ଥ୍ୟ କେଦ୍ରକୁ ନିଆଯାଇଥିଲା ସେଠାରେ ଡ଼ାକ୍ତର ଶିଶୁଟିର ମୃତ୍ୟୁ ଘଟିଥିବା ଜଣାଇଥିଲେ।ଶିଶୁଟି ରାମଚନ୍ଦ୍ର ପରିଛାଙ୍କ ଏକ ମାତ୍ର ଶିଶୁ ପୁତ୍ର ଥିଲା। ଏହି ପରିପ୍ରେକ୍ଷୀରେ ବୈପାରିଗୁଡା ତହସିଲଦାର ସ୍ନିଗ୍ଧାରାଣି ଚୌଉଧରି ରେଡକ୍ରସ ପାଣ୍ଠିରୁ ୧୦୦୦୦ ହଜାର ଟଙ୍କା ସହାୟତା ରାଶି ପରିବାର ବର୍ଗଙ୍କୁ ପ୍ରଦାନ କରିଥିଲେ।ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି।