ଜେନେରେଟିଭ ଆର୍ଟିଫିସିଆଲ ଇଣ୍ଟେଲିଜେନ୍ସ ବର୍ତ୍ତମାନ ଭାରତରେ ସବୁଠାରୁ ଦ୍ରୁତ ଗତିରେ ପ୍ରସାରିତ ହେଉଥିବା ଶବ୍ଦ। ୨୦୩୦ ସୁଦ୍ଧା ଭାରତୀୟ ଅର୍ଥବ୍ୟବସ୍ଥାକୁ ଜେନେରେଟିଭ ଏଆଈ ଡଲାରରୁ 1.5 ଟିଆର ଆମେରିକୀୟ ଡଲାର ଲାଭ ହେବ ବୋଲି ଆଇଟି ପରାମର୍ଶଦାତା ମାନେ ଆକଳନ କରିଛନ୍ତି। ସତ୍ୟ ନାଡେଲା କହିଛନ୍ତି ଯେ ୨୦୩୦ ସୁଦ୍ଧା ୫ ଟ୍ରିଲିୟନ ଆମେରିକୀୟ ଡଲାର ଜିଡିପିରୁ ଭାରତୀୟ ଅର୍ଥବ୍ୟବସ୍ଥାରେ ଜେନେରେଟିଭ ଏଆଈ ବିଲିୟନ ଡଲାର ଯୋଗଦାନ କରିବ। ମୋଟ ଘରୋଇ ଉତ୍ପାଦ (ଜିଡିପି)ର ୨.୮ % ଯୋଗଦାନ ଦ୍ୱାରା ଓଡିଶା ୨୦୩୦ ସୁଦ୍ଧା ଜେନେରେଟିଭ ଏଆଈ ଦ୍ୱାରା ପ୍ରାୟ 14 ବିଲିୟନ ଡଲାର ଲାଭ ହାସଲ କରିପାରିବ।
ଶିଳ୍ପ କ୍ଷେତ୍ରରେ ଜେନେରେଟିଭ ଏଆଈ ଇଞ୍ଜିନିୟର୍ସର ବ୍ୟାପକ ଅଭାବ ରହିଛି। ତେଣୁ ଶିଳ୍ପ ସଂସ୍ଥାମାନେ ଜେନେରେଟିଭ ଏଆଈ ରେ 50 ଲକ୍ଷ ପ୍ରଫେସନାଲଙ୍କ ସମ୍ପୂର୍ଣ୍ଣ ଆଇଟି ଫୋର୍ସକୁ ପୁନଃପ୍ରଶିକ୍ଷଣ ଓ ପୁନଃଦକ୍ଷତା ପ୍ରଦାନ କରୁଛନ୍ତି। ଟିସିଏସ୍ ଏହାର ସମସ୍ତ ୫୦୦୦୦୦ କର୍ମଚାରୀଙ୍କୁ ଜେନେରେଟିଭ ଏଆଈରେ ପୁନଃପ୍ରଶିକ୍ଷଣ କରୁଛି। Wipro ପୁନଃପ୍ରଶିକ୍ଷଣ ରେ ୨୦୦୦୦୦ କର୍ମଚାରୀଙ୍କୁ ତାଲିମ ଦେଇଛି। Accenture କୁ ଗତ ତ୍ରୈମାସରେ ଜେନେରେଟିଭ ଏଆଈ ଏକାକୀରୁ 450 ନିୟୁତ ଆମେରିକୀୟ ଡଲାର ରାଜସ୍ୱ ମିଳିଥିଲା। ଏହାକୁ ଦୃଷ୍ଟିରେ ରଖି ନିଷ୍ଟ୍ ବିଶ୍ୱବିଦ୍ୟାଳୟ ତରଫରୁ ପ୍ରଶିକ୍ଷଣ କାର୍ୟ୍ୟକ୍ରମ ଏକ ସପ୍ତାହ ଧରି ଚାଲିଥିଲା ।ଶିକ୍ଷାନୁଷ୍ଠାନର ଭାରପ୍ରାପ୍ତ କୁଳପତି ଡ଼. ପି ରାଜେଶ କୁମାର ଙ୍କ ତତ୍ୱାବଧାନ ରେ ଏକ ସପ୍ତାହ ଧରି ଚାଲିଥିବା ପ୍ରଶିକ୍ଷଣ କାର୍ୟ୍ୟକ୍ରମରେ ୪୦ ଜଣ ଅନ୍ତିମ ବର୍ଷର ଛାତ୍ରଛାତ୍ରୀଙ୍କୁ ଜେନେରେଟିଭ ଏଆଈ ପିଓନୀର ତରଫରୁ ସିଇଓ ଶ୍ରୀ ଉମ ଦେଷୁ ପ୍ରଶିକ୍ଷଣ ଦେଇଥିଲେ। ଏହାକୁ ଗୁଗୁଲ, ମାଇକ୍ରୋସଫ୍ଟ ଏବଂ ଜେନେରେଟିଭ ଏଆଈ ପିଓନୀର ତରଫ ରୁ ଜେନେରେଟିଭ ଏଆଈ ରେ ସାର୍ଟିଫିକେଟ୍ ମିଳିଛି।