ବାୟୁସେନାର ଲଢୁଆ ଯୁଦ୍ଧ ବିମାନରେ ଉଡ଼ିବେ ରାଷ୍ଟ୍ରପତି । ଆସନ୍ତା ଶନିବାର ସୁଖୋଇରେ ଉଡିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସୁଖୋଇ 30 MKI ରେ ଲଢୁଆ ଯୁଦ୍ଧ ବିମାନରେ ସ୍ୱଳ୍ପ ସମୟ ପାଇଁ ଯାତ୍ରା କରିବେ । ଆସାମର ତେଜପୁର ଏୟାରଫୋର୍ସ ଷ୍ଟେସନରୁ ସୁଖୋଇରେ ଉଡିବେ ରାଷ୍ଟ୍ରପତି ।
ଆଜିଠାରୁ ୮ ତାରିଖ ଯାଏ ରାଷ୍ଟ୍ରପତି ଆସାମ ଗସ୍ତରେ ଯାଉଛନ୍ତି । ଆସନ୍ତାକାଲି କାଜିରଙ୍ଗା ଜାତୀୟ ଉଦ୍ୟାନରେ ଗଜ ଉତ୍ସବ ଉଦଘାଟନ କରିବେ । ସେହିଦିନ ଗୌହାଟୀ ହାଇକୋର୍ଟର ୭୫ ବର୍ଷ ପୂର୍ତ୍ତି ଅବସରରେ ଆୟୋଜିତ ଉତ୍ସବରେ ଯୋଗଦେବେ ରାଷ୍ଟ୍ରପତି ।ସୂଚନାଯୋଗ୍ୟ, ଭାରତର ପ୍ରଥମ ମହିଳା ରାଷ୍ଟ୍ରପତି ପ୍ରତିଭା ପାଟିଲ୍ ମଧ୍ୟ ୨୦୦୯ ମସିହାରେ ପୁଣେରେ ଅଧଘଣ୍ଟା ସୁଖୋଇ 30 MKI ଉଡ଼ାଇଥିଲେ । ପ୍ରଥମ ରାଷ୍ଟ୍ରପତି ଭାବରେ ଲଢୁଆ ଯୁଦ୍ଧ ବିମାନ ଉଡ଼ାଇଥିଲେ ଡକ୍ଚର ଏପିଜେ ଅବଦୁଲ କଲାମ୍ । ରାଷ୍ଟ୍ରପତି ହେଉଛନ୍ତି ତିନି ସେନାର ସୁପ୍ରିମ କମାଣ୍ଡର ।