ଭାରତୀୟ ମହକାଶ ଗବେଷଣା ସଂସ୍ଥାନ ଇସ୍ରୋ ପୃଥିବୀର ଅନେକ ସୁନ୍ଦର ଫୋଟ ସେୟାର କରିଛି । ହଜାର ହଜାର କିଲୋମିଟର ଦୂରରୁ ଭାରତର ଫଟୋ ବେଶ ସୁନ୍ଦର ଦେଖାଯାଉଛି । ପ୍ରତ୍ୟେକ ମୋଜାଇକରେ ୨,୯୩୯ଟି ଇମେଜ ରହିଛି। ଏଥିରୁ ଭାରତର ବିରଳ ଚିତ୍ର ସ୍ପଷ୍ଟ ଦୃଶ୍ୟମାନ ହେଉଛି। ଏହି ଛବିରେ ଅନ୍ୟ ଦେଶ ଓ ମହାଦେଶଗୁଡ଼ିକ ଭିନ୍ନ ରଙ୍ଗରେ ଚିହ୍ନିତ କରାଯାଇଛି।
ଇସ୍ରୋ ନିଜର ଆର୍ଥ ଅବଜରଭେସନ ସାଟେଲାଇଟ(ଇଓଏସ-୬) ସାହାଯ୍ୟରେ ପୃଥିବୀର ଫଟୋ ଉତ୍ତୋଳନ କରିଛି । ଇସ୍ରୋର ଏହି ସାଟେଲାଇଟ ଓସେନସେଟ-୩ ନାମରେ ବେଶ ପରିଚିତ । ସାଟେଲାଇଟରୁ ମିଳୁଥିଲା ତଥ୍ୟ ଆଧାରରେ ହାଇଦ୍ରାବାଦ ସ୍ଥିତ ଇସ୍ରୋର ନ୍ୟାସନାଲ ରିମୋଟ ସେନସିଂ ସେଣ୍ଟରରେ ସମସ୍ତ ତଥ୍ୟ ପ୍ରସ୍ତୁତ ହୋଇଥାଏ ।ଇସ୍ରୋ ୪ଟି ଭିନ୍ନ ଭିନ୍ନ ଫଟୋ ଚାରିପଟୁ ଉତ୍ତୋଳନ କରିଛି । ଏଥିରୁ ଗୋଟିଏ ଫଟୋରେ ଭାରତ ସ୍ପଷ୍ଟ ଭାବେ ଦେଖାଯାଉଛି । ସେହିଭଳି ପୃଥିବୀର ଅନ୍ୟ ପାଶ୍ୱର୍ ମଧ୍ୟ ଏଥିରେ ସ୍ପଷ୍ଟ ଦେଖାଯାଉଛି । ସାଟେଲାଇଟରୁ ନିଆଯାଇଥିବା ଫଟୋ ଗୁଡିକ ଉପରେ ଅନବୋର୍ଡ ଓସେନ କଲର ମିନିଟରର ପ୍ରୟୋଗ କରାଯାଇଥିଲା ।