ଛତ୍ରପୁର ବ୍ଲକ୍ ଅନ୍ତର୍ଗତ ଅଗସ୍ତିନୂଆଁଗାଁ, ପୋଟ୍ଟଲାମପୁର, ମହାନାଦାପୁର, ନରେନ୍ଦ୍ରପୁର ଆଦି ଚାରୋଟି ପଞ୍ଚାୟତ କୁ ଯକ୍ଷ୍ମା ମୁକ୍ତ ଅଞ୍ଚଳ ଭାବେ ଆନୁଷ୍ଠାନିକ ଭାବେ ଘୋଷିତ ହୋଇଥିବା ଜଣାଯାଇଛି ।
ଛତ୍ରପୁର ସଦରମହକୁମାସ୍ଥ ବ୍ଲକସ୍ତରୀୟ ଯକ୍ଷ୍ମା ମୁକ୍ତ ପଞ୍ଚାୟତ ବୈଠକ ବ୍ଲକ୍ କାର୍ଯ୍ୟାଳୟର ସଭା ଗୃହରେ ସୋମବାର ଆୟୋଜିତ ହୋଇଯାଇଛି ।
ଏହି ବୈଠକରେ ଛତ୍ରପୁର ବ୍ଲକ୍ ଅଧ୍ୟକ୍ଷା କୀରଣ କୁମାରୀ ଦାସ , ମୁନିସିପେଣ୍ଠର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଅଧ୍ୟକ୍ଷ ଡ଼ା. ସୌମୀୟକାନ୍ତ ମହାପାତ୍ର , ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ ଅଶୋକ କୁମାର ଦାସ, ଉପଖଣ୍ଡ ଚିକିତ୍ସାଳୟ (ଛତ୍ରପୁର) ପ୍ରୟଗଶାଳା ନିରୀକ୍ଷକ ପଦ୍ମାନନ୍ଦ ଗନ୍ତାୟତ , ବରିଷ୍ଠ ଯକ୍ଷ୍ମା ନିରୀକ୍ଷକ ପ୍ରଭାତ କୁମାର ସାହୁ, ଛତ୍ରପୁର ବ୍ଲକର ସମସ୍ତ ସରପଞ୍ଚ ଓ ସମିତିସଭ୍ୟ ଉପସ୍ଥିତ ରହି ଟିବି ଅବା ଯକ୍ଷ୍ମା ରୋଗର ପାଦୃଭାବ, ଲକ୍ଷଣ, ଓ ନିରାକରଣ ସମ୍ପର୍କିତ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଭାରତ ସରକାରଙ୍କ ଯେଉଁ ୨୦୨୫ ସୁଦ୍ଧା ସାରା ଭାରତରେ ଯକ୍ଷ୍ମା ମୁକ୍ତ ହୋଇପାରିବ ସେ ନେଇ ନିଜ ଗ୍ରାମପଞ୍ଚାୟତରେ କିଭଳି ଭାବରେ ସମସ୍ତେ ନିଜର ପରୀକ୍ଷା କରାଇବା ଏବଂ ସଠିକ୍ ପରାମର୍ଶ ନେବା, ଅଧାରୁ ଔଷଧ ବନ୍ଦ ନ କରିବା ତା’ହେଲେ ଯାଇ ଯକ୍ଷ୍ମା ରୋଗର ଅନ୍ତ ହୋଇପାରିବ ବୋଲି ଶ୍ରୀ ମହାପାତ୍ର ମତପ୍ରକାଶ କରିଥିଲେ । ଛତ୍ରପୁର ବ୍ଲକର ଉକ୍ତ ଚାରୋଟି ପଞ୍ଚାୟତ ଯକ୍ଷ୍ମା ମୁକ୍ତ ପଞ୍ଚାୟତ ଭାବରେ ରାଜ୍ୟ ସରକାରଙ୍କ ଦ୍ୱାରା ଆନୁଷ୍ଠାନିକ ଘୋଷଣା କରାଯାଇଥିବା ସରକାରୀ ଭାବେ କୁହାଯାଇଛି ।।